Оперирана е Ина, шестгодишното девојче за кое цела Македонија собираше донации.
„Од срце за Ина“ беше насловен апелот за помош, а денеска пристигна информацијата дека успешно ѝ е отстранет туморот кој ѝ предизвикуваше епилептични напади.
„Здраво на сите! Сакаме да споделиме една убава вест со сите кои помогнавте за малата Ина. Операцијата беше успешна, се’ помина во најдобар ред, Ина е супер – закрепнуваме. Уште еднаш од се’ срце да ви се заблагодариме на сите што на било каков начин ни помогнавте. Господ е голем, ќе ви врати на сите“, напиша Ивица Илиевски на „Фејсбук“.
Фото: Фејсбук
* Текстот не смее да биде превземан без дозвола на редакцијата на МАСТИЛО.