Александар Стефановиќ, 38-годишен рапер и угостител, е застрелан пред кафуле во германскиот град Дизелдорф.
Инцидентот се случил во неделата наутро, а на убиството му претходела расправија. Мотив за делото наводно се коцкарски долгови.
Според првичните сознанија, во неделата околу 2 часот и 45 минути во кафуле најпрвин настанала расправија меѓу жртвата и 52-годишниот осомничен. По вербалната пресметка излегле од локалот, по што се слушнале истрели. По пукањето, осомничениот маж се вратил внатре, чекал да пристигне полицијата и без отпор се предал.
Уапсениот, според полицијата, е 52-годишен косовски Албанец, жител на Германија. Иако полицијата и итната помош се обиделе да го реанимираат на лице место, 38-годишниот сопственик на локалот им подлегнал на повредите.
Тамошните медиуми информираат дека жртвата е ММА борец од Србија кој оима искуство и во музичките води под уметничкото име Алекс М.
