Во основното училиште во Лукавац во Босна и Херцеговина утрово имало пукање во кое едно лице се здобило со повреди во пределот на вратот и во моментов е на операција.
Пациентот со иницијали О.Н. е хоспитализиран во УКЦ Тузла со прострелна рана во пределот на вратот. Според првичните информации има повредени, но не се ученици, потврди Един Делиќ, градоначалник на Лукавац. Тој ги замоли родителите да не шират паника.
„Насилникот е малолетник и веднаш е уапсен. Тежок ден“, изјави тој.
Боснаските медиуми објавија и видео од приведувањето на осомничениот за пукањето во училиштето.
Осомничениот Г.М. (роден 2008 година) поради лошо однесување бил префрлен од едно во друго основно училиште. Ученикот утрово се појавил во училиштето и веднаш го побарал повредениот Н.О. кому му пукал во глава.
Како што дознава порталот „Аваз“, застреланиот е син на Исмет Османовиќ, поранешен висок политички функционер и поранешен пратеник во босанскиот парламент.
