Едномесечен притвор добија осомничените за убиството на Саша К. во Добој.
Судот соопшти дека А.К. и Д.Л. ги терети дека извршиле тешко убиство на подмолен и свиреп начин. Се додава дека од 29 до 30 јануари, по претходен договор, пријавените делото го извршиле заедно со А.К, малолетната ќерка на осомничената.
„Со намера да му го одземе животот на Саша К. на 29 јануари во попладневните часови, а откако малолетната А.К. изронила поголем број таблети наречени „треана“ со јачина од 10 мг, кои ги купила сестрата на првоосомничениот В.М. по барање на осомничените ги измешала со вода, така што во договор со осомничените вечерта отишла во семејната куќа на нејзиниот татко, каде со вода во која имала искршена таблета во прав направила лимонада која му ја дала на татка си“, соопштија од Окружниот суд во Добој.
Намерата била да се зашемети Саша К. и да го успие. Во судското соопштение се додава дека истите таблети, А.К. и нејзината мајка и порано му ги давале на Саша К., без тој да знае за тоа.
„Откако таблетите почнале да делуваат и откако оштетениот заспал, малолетничката ја оставила незаклучена влезната врата од куќата, за што ги известила осомничените кои влегле во куќата“, наведуваат од судот.
Се додава дека А.К. и Д.Л. потоа ѝ рекле на малолетничката да влезе во дневната соба и да ја затвори вратата, па влегле во собата во која спиел Саше К.
„Го врзале така што му ја прекриле главата со сива селотејп трака, а нозете и рацете му ги врзале со јаже и селотејп. Му задале неколку удари од кои почнал да крвари, а потоа го извадиле од дома и со автомобил караван го однеле во шумата во непосредна близина на излетничкото место Преслица“, соопштија од судот.
Таму, како што се објаснува, со непознат предмет му биле нанесени четири убодни рани во пределот на стомакот, а смртта настапила како последица од тешкиот трауматски и хиповолемичен шок предизвикан од повредата и загубата на крв.
Го оставиле така во шумата и се упатиле во непознат правец.
