По тешко боледување, на 53-годишна возраст почина Давор Ерцег.
Хрватскиот музичар се прослави во осумдесеттите години на минатиот век во дубровачкиот хеви-метал составот „Црна удовица“. Подоцна беше заменет од популарниот Горан Каран.
Тажната вест на „Фејсбук“ ја објавија неговите колеги од поранешниот бенд.
„Збогум, мил наш Даворе. Малите ангели нека те носат до Исус“, стои во објавата.
Трогателна посвета напиша и музичарот и актер Здеслав Чотиќ.
„Мирно сонувај, пријателе. Запеј им таму горе да видат со каков човек си имаат работа. Беше прекрасен. Веројатно и затоа мораше да заминеш, поради некој баланс во универзумот“, напиша тој.
Фото: Фејсбук
*Текстот не смее да биде превземан без дозвола на редакцијата на МАСТИЛО.
