Четиригодишно дете и близнаци (момче и девојче) на возраст од седум години вчера беа задавени во стан во Загреб од нивниот татко.
Како што пренесуваат хрватските медиуми, 56-годишниот Харлад Копиц потоа се обидел да се самоубие со таблети.
Станува збор за австриски државјанин, угледен финансиски консултант кој живеел и работел во Загреб. Со сопругата наводно биле разведени, па децата викендов биле кај него на гости.
Во својот последен статус на „Фејсбук“ напишал: „Збогум на сите“, а како мотив ги навел нарушените односи со бившата сопруга и сегашната партнерка.
Мајката утрово во девет часот е итно хоспитализирана во Опшатата болница во Дубровник. Како што дознава „Јутарњи лист“ таа е донесена во тешка психичка состојба.
„На местото на настанот се пронајдени три безживотни тела на деца, потврдена е насилна смрт, со што постои сомневање за убиство“, соопшти загрепската полиција.
Фото: Инстаграм
*Текстот не смее да биде превземан без дозвола на редакцијата на МАСТИЛО.
