По тешко боледување, на 67-годишна возраст почина пејачот Маринко Роквиќ.
Тажната вест ја потврди и неговиот син, исто толку популарниот Никола Роквиќ.
„Ве молам, имајте разбирање. Ќе се слушнеме подоцна. Точно е дека почина. Ви благодарам што се јавивте и изразивте сочуство, сега не можам да зборувам“, изјави тој за српскиот портал „Нова“.
Колегите на Роквиќ со неверување ја примија информацијата за неговата смрт, иако беа запознаени дека од неодамна е хоспитализиран и дека веќе подолго време се бори со бактерија која му го нападнала организмот.
„Не можам да поверувам дека повеќе го нема. Ова е страшно. Му благодарам за се’, мое најискрено сочуство до семејството. Беше голем пејач, голем човек и пријател. Знам дека имаше здравствени проблеми, но мислев дека ќе ја надмине оваа состојба и дека уште долго ќе живее“, вели Мирослав Илиќ.
Насловна: И-сток/Данијел Милутиновиќ
* Текстот не смее да биде превземан без дозвола на редакцијата на МАСТИЛО.
