Трагедија!
Шпанскиот пејач Карлос Марин (53), член на славната група „Ил Диво“, почина од последици на Ковид-19, јавија светските медиуми.
Вирусот му бил дијагностициран на седми декември, а веќе наредниот ден бил хоспитализиран. Неколку дена подоцна бил поставен во медицински индуцирана кома во Кралската болница во Манчестер.
Смртта на славниот вокалист ја потврдија и членовите на бендот.
„Со скршени срца ве информираме дека нашиот пријател и партнер Карлос Марин почина. Ќе им недостига на своите пријатели, на фановите и на семејството. Никогаш нема да се повтори таков глас или дух какви што имаше тој“, стои во објавата.
Само два дена пред да заврши во болница, Марин го имаше својот последен концерт. На почетокот од месецов ентузијастички зборуваше за претстојните настапи со составот.
Фото: Твитер
* Текстот не смее да биде преземан без дозвола на редакцијата на МАСТИЛО.
