Несекојдневна животна приказна има најпознатата руска манекенка, топ-моделот Наталија Водјанова (39). Поради нејзиното тешко минато и растењето во беда, таблоидите често ја нарекуваат и Пепелашка.
Водјанова минатата година конечно се омажи со долгогодишниот партнер Антоан Арно, а плод на нивната љубов е синот Максим роден 2014 година.
Антоан е син на Бернард Арно, првиот човек на конгломератот LVMH во чии рамки функцинонираат брендовите „Луј Витон“, „Диор“ и „Живанши“. Станува збор за еден од најбогатите луѓе на светот според „Форбс“ чие семејното богатство е проценето на 84 милијарди фунти.
Наталија потекнува од едно руско село. Детството го поминала со самохрана мајка и аутистична сестра, а во младоста работела на пазар. Токму овде ја приметил моден агент кој ѝ го променил животот.
На 17 години се отселила во Париз. Во 2001 година го запознала првиот сопруг, британскиот аристократ Џастин Портман со кого ги има ќерката Нева и синовите Лукас и Виктор. Од него се разведе по точно една деценија.
Фото: Профимедија/Инстаграм
* Текстот не смее да биде превземан без дозвола на редакцијата на МАСТИЛО.
