Откако српските медиуми во четвртокот известија дека во белградската населба Умка е пронајден машки леш во фаза на распаѓање закачен за сплав, во тек е обдукцијата и утврдувањето на идентитетот.
Како што информираа, поради висока фаза на распаѓање на телото, ќе мора да се почекаат наодите на форензичарите, а на местото на настанот излегоа екипи за увид и Итната помош, пишува порталот „Јутарњи.хр“.
Резултатите од обдукцијата се очекуваат и во хрватската полиција со оглед на фактот што потрагата по исчезнатиот 27-годишен Матеј Периш се’ уште е во тек.
„Се’ додека и официјално не се утврди идентитетот, полицијата нема да излегува со информации во јавноста“, велат од таму.
Потсетуваме, Матеј Периш исчезна ноќта помеѓу 30 и 31 декември во Белград.
ОСТАНАТИТЕ ВЕСТИ ЗА МАТЕЈ ПЕРИШ МОЖЕТЕ ДА ГИ ПРОЧИТАТЕ ОВДЕ!
Фото: Том Дубравец/Кропикс
* Текстот не смее да биде превземан без дозвола на редакцијата на МАСТИЛО
