Тела на две жени денеска се пронајдени во стан во белградската населба Бежанијска Коса, информираат српските медиуми.
Полицијата затекнала траги од крв, а врз главата и на двете жртвите имало перница.
Станарите и управителот на зградата во која се случила трагедијата велат дека се згрозени од глетката.
Според првите информации, станува збор за убиство и самоубиство.
„Една од жените е Јелисавета Ѓ., чиј стан е на последниот кат од зградата. Имаше непријатна миризба и никој не ги видел некое време, па комшиите до нив отишле да проверат. Случајот го пријавиле во полиција која ги пронашла телата“, коментира еден сосед.
Јелисавета до пред две години живеела со сопругот. По неговата смрт, кај неа се доселила сестра ѝ.
Жртвите се на возраст од 76 и 78 години.
Истрагата е во тек.