Бразилската полиција спаси 36-годишна жена која била жива соѕидана во гробница на гробиштата во Висконд до Рио Бранко.
Гробари забележале дека гробот е свежо запечатен со цигли и цемент, а вниманието им го привлекле дамките од крв на земјата, поради што веднаш повикале полиција.
Кога полицајците пристигнале на гробиштата, го слушнале плачот и лелекот на жената. Бргу била ослободена и однесена во болница.
Полицијата соопшти дека, иако просторот е делумно затворен и со засилено обезбедување, чести се упадите таму, а најмногу од наркозависници.
Жената рекла дека двајца маскирани ја однеле на гробиштата каде ја нападнале, а потоа ја турнале во гробницата. Воената полиција навела дека жртвата е наркоманка.
Наводно станува збор за одмазда откако одбила на напаѓачите да им каже каде ја сокрила „робата“. Цивилната полиција, пак, соопшти дека кавгата настанала поради оружје.
Не е познато колку долго жената била во гробницата.
