Тешка несреќа се случи доцна вечерва
Триесетина минути пред полноќ, во населбата Пинтија во Кисела Вода малолетно дете на возраст од осум години го загубило животот откако врз него насрнале кучиња од расата „Блу Мастиф“.
Според првичните информации, детето се приближило кон дворот каде било чувано кучето од страна на приватен сопственик, по што било нападнато. Од здобиените повреди детето било префрлено во Градската Болница каде починало, информира порталот „Инфомакс“.
На местото на настанот излезен е јавен обвинител, како и екипи на МВР кои се обидуваат да го заловат кучето. Кучето е во сопственост на приватно лице, за што има и соодветна документација.
