За вистинско лето нема никаква најава. Напротив, по 10-ти јуни на повидок е голем пад на температурите и интензивни врнежи, проследени со северен ветер.
Метереолозите велат дека температурите во овој период ќе бидат значително под просекот за месец јуни. По 10-ти јуни, студениот бран ќе го зафати целиот Балкански Полуостров, прогнозираат тие.
Дека нема да имаме сезона каква што доликува со вистински летни горештини, стабилно време и чести топлотни бранови, како што беше на пример минатото лето, пред неколку дена нагласи и Славчо Поповски.
Оваа година месеците јуни, јули и август ќе поминат во знакот на многу нестабилно време, како и со чести врнежи и грмежи, а постои опасност и од локални поплави. Температурите ќе бидат околу или под просекот за летниот период, односно не’ очекува посвежо лето, напиша тој.