Никола Перевски-Пере, пејачот на популарниот бенд „Нокаут“ доби четврта ќерка.
Тој веднаш сподели и фотографија на социјалните мрежи.
„Ирис се роди.. Ваистину се роди уште едно трилече“, напиша познатиот музичар на „Инстаграм“.
Ова е негово второ дете со Јована Темелковска.
Во ноември 2021 година тие ја добија ќерката Софиа.
„Си дојде дома мојата трета ќерка, моето трилече што мириса на млекo“, напиша пејачот тогаш.
Пере има две големи ќерки од првиот брак, 25-годишната Михаела која со години го придружува на сцена и одлучи да тргне по неговите стапки и 16-годишната Каја.
Пред да се ожени по вторпат, тој откри дека неговата избраничка Јована му е поранешна девојка со која по четири години пауза одлучиле да ја возобноват љубовната врска.
