Свадба е голема
Мартин Филиповски од братското дуо „Некст тајм“ се ожени со својата долгогодишна девојка, ракометарката Андреа Белеска.
Првата фотографија со младоженците ја сподели неговиот брат Стефан. „Го дадовме, ја земавме. Честитки!“, напиша тој на „Инстаграм“.
Мартин ја побара за жена Андреа лани на неговиот роденден на 20 септември.
Ракометарката Белеска, родум од Кичево, беше дел од Металург, а во странство настапуваше за турскиот Јенимале, романската Валчеа и шведскиот Боден. Минатата сезона играше за грчки ПАОК од Солун.
Дуото „Некст тајм“ ја претставуваше Македонија на евровизискиот избор во Москва во 2009 година. Групата се проби со поп-рок нумери, но последните години браќата-близнаци одлучија да се свртат кон корените. Нивните обработки на стари македонски песни бележат милионски прегледи на „Јутјуб“. Неодамна имаа успешна турнеја кај нашинците во Австралија заедно со Влатко Лозаноски.
