Македонскиот пејач, автор и музичар Виктор Апостоловски викендов се ожени со својата долгогодишна девојка, медицинската сестра Милена Доневска.
Талентираниот битолчанец кој се прослави во шоуто „Идол“ се заколна на вечна љубов во црн костум, со шешир и со црвена вратоврска, а невестата се одлучи за венчаница со корсет.
Судејќи по фотографиите споделени на социјалните мрежи, свадбата била со сите адети, а интересен бил и изборот на нумерата за првиот танц-оригинална песна која пејачот самиот ја искомпонирал.
Апостоловски пред пет месеци на мошне симпатичен начин ја побара за жена девојката. Херојот од несудениот евровизиски хит „Супермен“ ја запроси саканата во Истанбул. Додека таа се подготвуваше да му позира свртена со грб, тој го извади прстенот и клекна.
Честитки! Нека им е со среќа!
