Секоја девојка и жена си фантазира за своето идеално запросување. Некои сакаат тоа да биде симпатично, но интимно, додека пак има и такви што посакуваат да добијат прстен на јавна сцена, спектакуларно и пред многу народ.
Темата „запросување“ деновиве е главен муабет и на „Твитер“, откако се појави видео од бејзбол натпревар во Торонто каде момче клекнува на колена..
И.. Се’ тече супер, тој ја отвора кутијата, девојката се воодушевува и наеднаш шок! Нејзиниот сакан вади лижавче во форма на прстен.
Девојката во истиот момент збеснува, почнува да пцуе, му мава шамар и го полива со вода или со сок, што и да има во чашата.
Коментарите под видеото се разни. Некои ја поддржуваат девојката, затоа што мислат дека е понижена пред толку многу луѓе, додека, пак, други ја напаѓаат велејќи дека е луда и оти не знае за шега и оти е подобро за момчето што не се согласила.
