Припадници на Министерството за внатрешни работи во српскиот град Шид уапсија македонски државјанин.
Станува збор за 22-годишниот В.Б., за кој постојат основи на сомневање дека сторил кривично дело недозволено изработување, држење, носење и тргување со оружје и распрскувачки материјали.
Кај осомничениот, полицијата кај Батровац пронашла 313 куршуми со различен калибар.
На осомничениот му е одредена мерка притвор до 48 часа, а со кривична пријава ќе биде изведен пред Вишото јавно обвинителство во Сремска Митровица.