Коста Кецмановиќ денеска има роденден, пишуваат српските медиуми. Момчето кое на трети мај годинава тргна во крвав поход во училиштето „Владислав Рибникар“ во Белград и уби девет ученици и вработен од обезбедувањето наполни 14 години.
Како што е веќе познато, денови пред злосторството детално го истражувал Кривичниот законик на интернет за да се увери дека според возраста не може да заврши зад решетки.
По трагедијата која ја потресе и згрози цела Србија, па дури и светот, се појавија различни шпекулации, најмногу поврзани со психолошкиот профил на момчето и причините кои довеле до ваква трагедија.
Луѓе блиски на персоналот на Клиниката за неврологија и психијатрија за деца и младинци каде што е сместен велат дека нема промена во однесувањето на момчето.
Една работа и понатаму е мистерија, а тоа е што го натерало масовниот убиец на лекарите детално да им раскажува за Гебелс и неговите „генијални“ методи.
Коста наводно бил опседнат со Адолф Хитлер! Момчето на лекарите во психијатриската клиника каде што е сместено по апсењето детално им раскажал за нацистичката идеологија, за Хитлер и за „генијалните методи и планови“ на шефот на нацистичката пропаганда Јозеф Гебелс!?
„Јас сум новиот фирер, ќе го обединам светот“, им рекол Коста на лекарите кои останале со подоотворена уста.