Телевизија 24 во прилог за новиот ценовен бран откри дека повеќе од 500 артикли во еден голем ланец маркети само во еден ден добиле нови цени. Најголемиот дел од нив се покачени.
Од Министерството за економија велат дека со поскапувањата не се опфатени основните прехранбени производи и затоа не се очекува ценовен притисок. Од таму прогнозираат дека инфлацијата до крајот на годинава ќе се сведе на минимум и ќе се заштити стандардот на граѓаните.
Граѓаните пак, со секое влегување во маркетите, гледаат нови цени.
Порастот на цените на останатите производи, кои не беа опфатени со мерките, имаше многу помало влијание врз стапката на инфлација во земјата, иако и тогаш на голем број производи, секојдневно им се менуваа цените.
Оттука, не мора да значи дека растот на цените на овие 500 артикли во ланецот маркети, ќе имаат некое позначително влијание врз стапката на инфлација, коментираат од Министерството за економија.
