Беше една од најубавите водителки на овие простори, со години заштитно лице на емисијата „Сѐ за љубов“, шоу базирано на вистински приказни кое беше доста популарно и кај нас.
Катарина Шишмановиќ која ја паметиме и по спотот за хитот „Доживотно“ на Елена Ристеска, пред неколку години се врати пред камерите и како домаќинка на квизот „Кој е на врвот“, но потоа комплетно се повлече од јавниот живот.
Активна е на социјалните мрежи, па може да се види дека најмногу ужува во луксузни патувања.
Катарина отсекогаш привлекуваше внимание и со својот љубовен живот.
Новинарите често пишуваа за нејзините бурни врски, но и за бракот кој ѝ траеше само една година.
Шишмановиќ во меѓувреме се посвети и на своето дообразување и дипломира на Факултетот за политички науки во Белград.
