Благица Зикова од Штип е жената која вчера на свет донесе три момчиња и едно девојче на Универзитетската клиника за гинекологија и акушерство-Скопје.
Бременоста на родилката ја следела докторката Елена Николовска која го извршила и породувањето.
Бебињата се родени во 31-недела од бременоста и се во добра здравствена состојба.
Благица со сопругот Александар сега во ноември ќе прослават пет години брак и се пресреќни што конечно станале родители.
Таа за порталот „ММС“ изјави дека се чувствува супер по породувањето.
„Дечињата, како што е нормално, се во инкубатор. Ова се наши први деца и не би сакала да раскажувам повеќе за нив се додека не излеземе од болница, а не би сакала ни сега да им ги кажам имињата“, вели таа за „ММС“.