Родилката која вчера се фрли од првииот кат скопската Клиника за Гинекологија се’ уште се наоѓа во тешка и критична состојба.
„Фокус“ неофицијално дознава дека 39-годишната жена има тешки повреди на вратната кичма, градниот кош и главата.
Директорката на скопската Клиника за гинекологија, Викторија Јовановска, вчера во изјава за медиумите рече дека родилката е во многу тешка здравствена состојба.
„Пациентката е во многу критична состојба, ме информираа од КАРИЛ. Немала посериозни психолошки проблеми, иако не сакала да го дои бебето, што не се случува првпат. Табу тема е да доаѓа психијатар тука и да разговара со мајките. Лично мислам дека на сите нас ни треба психијатар, во современото живеење, како совет, не како терапија. Прво дете и е на 39-годишната жена“ рече вчера Јовановска.
Според последните информации, бебето е се’ уште на Гинеколошката клиника и не се знае до кога ќе остане таму, пишува „Фокус“.