Се’ повеќе луѓе во желбата да имаат холивудска насмевка се одлучуваат да отпатуваат во Турција за да ги поправат забите по поволна цена, но една жена имаше поинаква идеја. Имено, таа решила да направи урнебесна шега, убедувајќи многумина дека нејзините огромни и сјајни заби се всушност изгледот што таа отсекогаш го посакувала.
Мејси Смит (32) очајно сакала да им ги покаже на своите следбеници на „Тик Ток“ новите сјајни протези, но по објавувањето на снимката која има повеќе од 3,5 милиони прегледи, се’ тргнало наопаку.
Мејси продолжила да ги лаже луѓето и да тврди дека нејзините заби се реални во серија видеа за нејзиниот секојдневен живот, а луѓето наседнале. Дури и оние кои планирале наскоро да го направат истиот чекор за дентален „ремонт“ во странство, почнале да ѝ пишуваат дека сега ќе размислат двапати дали да го направат истото.
Мејси, во поголемиот дел од видеото, си ја покрива устата со раката зборувајќи дека е воодушевена од нејзините сегашни заби.
„Тие се токму она што јас го сакав. Цената што ја платив е неверојатна! Само 1.700 фунти. Дали сте подготвени“, вели таа.
Таа исто така сподели дека платила 1.700 фунти за забите. „Дали сте подготвени да ви ги покажам?“, прашува таа, но многумина не разбраа дека се шегува, па доби бурни реакции од следачите.
