Жална вест
Почина Тони Шипка, член на мото-клубот Lowlanders MC Macedonia.
„Тони беше бајкер за кој не можеш да слушнеш лош збор. Засекогаш ќе ни фали неговиот ведар и насмеан лик. Искрено сочувство до семејството, клубот и пријателите. Нека почива во мир“, напишаа колегите од веб-страницата за рекреација и спорт „Мотори.мк“.
Од Тони на социјалните мрежи се прости и познатиот пејач, автор и музичар Петар Младеновски, фронтменот на „Суперхикс“.
„Починал мојот некогашен сосед и школски. Вечна му слава“, напиша тој на „Фејсбук“.
Оние што го познаваа велат дека Тони Шипка бил човек со големо срце и голем другар.
„Сочувство до семејството и клубот, до неговите пријатели и блиски. Ќе ни фалиш Тони! Почивај во мир“, напишаа од независната радио мрежа Bikers Garage.