Девојка проговори за шокантното откритие до кое дошла откако раскинала со своето момче
Неколку дена по разидувањето со партнерот, девојка дознала дека нејзиното момче всушност бил во отворена врска и дека цело време додека биле заедно имал друга девојка.
Лаура Твифорд која поминала неколку месеци со него сега тврди дека сите негови пријатели и семејството биле свесни за статусот на неговата врска.
„Моето момче цело време беше во отворена врска и никогаш не ми кажа. Кога дознав, сфатив дека сите негови пријатели, семејството и девојката знаеле за тоа и го сокриле од мене“, изјави таа.
Лаура објасни што се случило и ја опиша нивната врска како „филмска љубов“.
Му раскинала бидејќи чувствувала дека тој нема време за неа, а неколку дена подоцна видела друга жена како флертува со него во коментарите на една негова објава на социјалните мрежи.
Таа го проверила профилот на девојката и дознала дека со сега веќе поранешното момче е во врска цели три години. Откако внимателно го разгледала нејзиниот профил, набрзо открила дека неговиот поранешен најдобр пријател, кој го сретнала неколку пати, всушност е брат на девојката.
Лаура ѝ испратила порака на жената за да ѝ каже дека нејзиното момче ја изневерил, а на крајот добила порака од нејзиниот поранешен во кој ѝ порачал дека е во отворена врска.
Со неверување и шок ја примила оваа информација. И други кои коментирале на социјалните мрежи го имаат истиот впечаток.
„Траума! И јас исто така излегував со момче чие семејство знаеше дека сум негова втора девојка и не ми кажаа ништо. После ова, навистина ја изгубив вербата во човештвото“, искоментира една девојка со скршено срце.
