Во синоќешното полуфинале на емисијата „Никогаш не е доцна“, македонскиот натпреварувач Сашо Башески ги шармираше членовите на жирито и публиката со својата емотивна изведба на песната „Девојка из града“.
Неговиот глас е препознатлив, но овојпат не само што ги покажа своите гласовни способности, туку со својата интерпретација успеа да ја пренесе длабоката емоција и приказна што ја носи оваа песна.
Еден од првите кој го изрази својот ентузијазам по настапот беше Саша Милошевиќ Маре, кој не ги криеше впечатоците.
„Оваа песна постојано ми создава слики во главата, особено кога го слушам оригиналот. Прекрасна интерпретација и прекрасна песна.. Навистина уживав. Бевте прекрасни, пеете точно и прецизно, но морам да додадам уште нешто. Како и секогаш, фантастичен беше и оркестарот“, кажа Маре.
Сашо Башески е 55-годишен музичар од Прилеп. За неговата интересна животна приказна можете да прочитате ОВДЕ!
Милан Ѓурѓевиќ особено ја истакна храброста на Сашо да ја одбере оваа песна и начинот на кој тој ја изведе.
„Најпрво, сакам да го поздравам Мирослав Илиќ, секогаш кога ќе го слушнам помислувам на таа изворна, српска музика. Да се пее Мирослав е голем подвиг, па секоја чест за изборот на песната. Сакам да кажам дека оваа интерпретација е многу зрела и пејачки звучи на такво ниво што кога човек ќе ги затвори очите ќе помисли дека пејачот има 10 албуми позади себе. Секоја чест“, истакна тој.
