Почина американскиот актер Бред Џонсон, информираат американските медиуми.
Причината за смртта е Ковид-19, пишува „Холивуд рипортер“.
Актерот починал на 18 февруари, но неговата смрт е дури денес официјално потврдена за јавноста.
Џонсон во 1986 година дебитираше во серијата „Далас“. На големото платно се прослави во филмот Always кој го режираше легендарниот Стивен Спилберг каде играше покрај Холи Хантер и Ричард Драјфус. Забележителна улога имаше и во популарната серија „Мелроус Плејс“.
За прераната смрт на актерот се’ уште се нема огласено неговата сопруга Лори.
Џонсон имаше осум деца.
* Текстот не смее да биде превземан без дозвола на редакцијата на МАСТИЛО