Топ-тема во регионот е 27-годишниот Матеј Периш, момче од Сплит на кое му се губи секаква трага на новогодишната ноќ.
Последен пат е виден пред белградскиот ноќен клуб „Готик“. Бил облечен во фармерки, црна маица и црни патики со бел ѓон. Висок е 188 сантиметри, атлетски е граден, има руса коса и плави очи.
„Секоја информација злато вреди. Ако нешто знаете, ве молиме да не’ контактирате на телефонскиот број +38598432700 . Ви благодариме“, е пораката од неговото семејство до јавноста.
Во медиумите се огласи и неговиот татко Ненад, инаку меѓународен ватерполо судија, кој открива дека неговиот син отпатувал во Белград со пријатели кои ги познава цел живот.
„Матеј е мирно момче и спортист. Дипломиран економист. Не би заминал сам, никому да не се јави“, вели тој за Нова ТВ.
Во меѓувреме, пријателите на Матеј дадоа изјави во полицијата, а се проверуваат и сигурносните камери на ноќниот клуб каде последен пат е виден.
* Текстот не смее да биде преземан без дозвола на редакцијата на МАСТИЛО.
