Македонската модна блогерка Валерија Преспаноска го покажа вереничкиот прстен. Нејзиниот иден сопруг Јане Ристески ѝ подготви романтично запросување среде Дубаи каде што двојката моментално престојува.
Валерија е прилепчанка која ужива огромна популарност на „Инстаграм“ каде што ја следат речиси 30.000 луѓе.
„Jас отсекогаш сакав да се фотографирам и да ја преточам мојата креативност преку фотографиите. Луѓето кои ме познаваат одамна, многу добро ја знаат мојата пасија кон фотографијата и веројатно токму тоа ја привлекло мојата публика на која што и сум преблагодарна за секојдневната поддршка“, изјави таа во едно интервју.
Валерија своето образование го стекна на Филолошкиот факулет “Блаже Конески”, отсек преведување на германски и англиски јазик. Во слободно време обожува да црта. Во една прилика на шега искоментира дека за десет години се гледа како среќно омажена жена со три деца.
Фото: Инстаграм
* Текстот не смее да биде превземан без дозвола на редакцијата на МАСТИЛО.