Директорката на УЈП, Сања Лукаревска, се пофали дека мерката за поврат на ДДВ дава одлични резултати.
Таа нагласи и дека следува зголемување на лимитот според најавеното и ветеното пред граѓаните.
„Оваа мерка ги дава очекуваните резултати. Имаме зголемен број корисници, средствата кај граѓаните редовно се исплаќаат, што придонесува за подобрување на стандардот на граѓаните, затоа што дел од парите дадени за ДДВ им се враќаат назад во домашниот буџет. Новината која од 01.01.2023 година треба да започне е зголемување на лимитот за поврат на средствата, како што ветивме пред граѓаните и како што стои во владината програма“, вели Лукаревска.
Минатиот месец УЈП извести дека прилагодената верзија на Мој ДДВ е достапна на Apple appstore, додека Android верзијата е достапна на Huawei app Gallery.
