Помислував на најлошото, призна неодамна познатата српска пејачка
Славица Ќуктераш проговори за болеста која на почетокот не успеала да ја препознае. Таа цели две години се борела со анксиозност.
Двапати носела холтер, консумирала многу лекарства и ѝ требало доста време за да сфати дека се работи за ментална состојба со која многумина се соочуваат.
– Почна со некаков притисок, магла пред очите која не ми дозволуваше трезвено да ја согледам околината – раскажа Ќуктераш во емисија на „Прва телевизија“.
Во тој период имала 22 години.
– Набрзо почнаа стравовите и сега кога ќе се присетам, навистина не знам како сум успевала да ги преживеам сите тие моменти – откри таа.
