Трагедија
На 47-годишна возраст почина актерот Дејл Микс, најпознат по улогата во серијата „Емердејл“.
Семејството ја потврди тажната вест.
„Имаме многу малку причини за насмевка сега кога не си тука тоа да го споделиме со тебе. Им благодариме на сите за убавите пораки и спомени“, објави семејството на актерот на „Фејсбук“ и им се заблагодари на неговите пријатели за неверојатната поддршка во најтешките моменти, неговите последни часови од животот.
Голем број пријатели се огласија на социјалните мрежи.
„Дејл, толку многу ќе ни недостигаш, имаше срце големо колку твојот талент и смисол за хумор поголем од било кој друг“, „О, Боже! Жал ми е што го слушам ова“, се само дел од пораките.
Дејл Микс ја започна кариерата во Byker Grove, а минатата недела се појави во епизодата The Hunt for Raoul Moat.
