Коста Кецмановиќ, момчето виновно за масакрот во ОУ „Владислав Рибникар“, денеска првпат се соочи со обвинителството.
Тој денеска сведочеше во судскиот процес против неговиот татко Владимир Кецмановиќ.
„Кога би можел да го вратам филмот, ништо од ова не би направил“ и „Се каам што ги убив пријателите“ се изјавите од денешното рочиште на 13-годишниот тинејџер кој уби девет деца и училишниот чувар, а сериозно рани уште пет соученици и наставничката по историја.
Коста признал дека пукање вежбал на стрелиште, но никогаш на подвижни цели. Рекол дека татко му не го научил да пука, а детално објаснил кој и на кој начин го направил тоа“, брифира изворот на српска „Република“.
Миљана Кецмановиќ, мајката на убиецот, цело време ги стегала усните и неподвижно седела додека тој одговарал на прашањата.
Таа пред сослушувањето му предложила да каже што и да е побарано, а тој се обидел да ја сокрие својата вознемиреност.