Концерт на Ацо Пејовиќ во Босна за момент бил прекинат, а причината ги расплакала сите присутни.
Алмира ненајавено се појавила на сцената за да му се заблагодари на познатиот пејач кој пред десет години ѝ го спасил животот донирајќи за нејзиното лекување.
Пејовиќ не знаел што го чека кога водителот му се обратил дека има изненадување, а кога го слушнал името на девојката не можел да ги задржи солзите.
„Имаме одлична причина да го прекинеме концертот. Колку го сакате Ацо? Луѓе, после ова ќе го сакате уште повеќе. Многу луѓе ме замолија вечерва да се сликаат со него, но на само една девојка тоа ќе ѝ биде дозволено. Една девојка ќе се слика, се вика Алмира. Ова е фотографирано пред десет години, Ацо и Алмира“, рекол водителот.
„Ацо, се сеќаваш? Ти плати за нејзиното лекување и помогна да ѝ се спаси животот. Таа е тука вечерва и сака да ти се заблагодари на многу скромен и симболичен начин“, додал тој.
Пејачот силно ја прегрнал девојката, а потоа ја подигнал и ја бакнал.
Оваа сцена ги расплакала сите присутни, па слесувал долг аплауз.