Некогашната учителка на Владимир Путин, Вера Гуревиќ, пред 23 години на германските медиуми им откри повеќе тајни од детските денови на рускиот претседател.
Како што наведува таа, иако не бил силен, често се тепал со другите деца и уште од мал покажувал цврст карактер и одлучност.
„Беше злобен. Му беше важно да се истакне во друштвото. Редовно ни приредуваше „претстави“ за да ни покаже дека може сам да се одбрани, дури и кога беше немоќен. На 14 години на еден соученик му ја скрши ногата“, раскажа Вера своевремено за „Шпигел“.
Кога го прашала зошто го направил тоа, ѝ одговорил дека некои луѓе може да се разберат само со насилство.
