Легендарниот пејач на кантри-музика од Тексас, Чарли Робисон, почина на 59-годишна возраст од срцев удар, пишува „Дејли Мејл“.
Веста за неговата смрт ја потврди сопругата која ги замоли фановите на пејачот да се молат за нејзиното семејство во овие тешки мигови.
Пејачот почина во неделата вечерта во болница во Сан Антонио, пет години откако по компликации од оперативен зафат го загуби гласот и беше принуден да се пензионира.
Неговата сестра, исто така музичар, се прости од него на социјалните мрежи.
„Денеска срцето ми се скрши.. Мојот постар брат Чарли почина во прегратките на своите најблиски. Пуштете си го малку Чарли на рипит. Тој така би сакал“, напиша таа објавувајќи нивна заедничка фотографија.
Робисон ја започна својата кариера во доцните 1980-ти, свирејќи во локални бендови од Остин, како што се Two Hoots and a Holler, пред да го формира свој Millionaire Playboys..