Познатиот македонски хуморист, сатиричар и имитатор Војче Китаноски почина на 68 години.
Се’ уште нема официјални податоци за тоа што точно се случило, но се огласи неговата блиска пријателка, пејачката Вики Среброва.
Таа за ,,Фокус” изјавила дека од она кое засега го знаат полиција денеска отворила во неговиот дом и го пронашле безживотното тело.
Вели дека причината за смртта најверојатно е инфаркт и дека не се знае дали Китаноски починал во петокот или во саботата.
Веста за неговата смрт на социјалните медиуми ја објавија повеќе познати личности, меѓу кои и Драгица Стевковска, популарната Драгче од ТВ-екраните.
„Ти не’ смееше до солзи, сега не’ растажи со солзи.. Почивај во мир Војче Китаноски“, напиша таа.
