Почина Сузан Сомерс, најпозната по улогите во ТВ-сериите Three’s Company и Step by Step.
Актерката се упокоила еден ден пред нејзиниот 77-ми роденден, потврди нејзиното семејство.
„Сузан почина мирно во семејниот дом во раните утрински часови на 15-ти октомври. Таа повеќе од две децении успешно се бореше со агресивен облик на рак на дојка. Почина опкружена од нејзиниот сакан сопруг Алан, синот Брус и нејзиното потесно семејство. Тие се собираа за прославата на нејзиниот 77-ми роденден на 16 октомври. Ќе го прослават нејзиниот извонреден живот. Им благодариме на милионите обожаватели и следбеници кои многу ја сакаа“, е наведено во официјалното соопштение.
Сомерс оствари преку 45 филмски и телевизиски улоги. Од актерството се пензионира во 2001 година кога првпат се соочи со сериозни здравствени проблеми.
