На 64-годишна возраст почина ТВ-водителката и актерка Анабел Гилс. Пред само четири месеци ѝ беше дијагностициран тумор на мозокот.
Анабел, најпозната како водителка на емисијата Posh Frocks and New Trousers, починала мирно вчера во болницата Мартлетс во Хов, потврдија нејзините деца Моли и Тед.
Тие ѝ оддадоа почит со трогателна посвета.
„Со тешко срце ве известуваме за смртта на нашата неверојатна мајка Анабел Гилс. Во јули ѝ беше дијагностициран многу агресивен малигнен тумор на мозокот. Во четирите месеци што следеа, таа покажа извонредна издржливост и сила, и покрај операцијата на мозокот и безбројните третмани со радиотерапија. Во нејзините последни недели, таа беше гласна за подигање на свеста за болните од глиобластом. Остана ведра до самиот крај. Нејзините хумор и смеа не’ инспирираа максимално да го искористиме секој миг во животот. Ви благодариме за вашата љубов и поддршка и ве молиме да ја почитувате нашата приватност во овој исклучително тежок момент. Наместо цвеќиња или други подароци, донирајте во болницата Мартлетс“, напишаа тие.
Гилс беше во брак со пејачот на Ultravox и еден од основачите на Band Aid и Live Aid, Џејмс Миџ Јур, со кој ја доби ќерката Моли и од кој се разведе во 1989 година. Подоцна го доби и синот Тед.
