Не стивнуваат реакциите на социјалните мрежи по информацијата за смртта на Илија Жупаноски, општествен активист за демократија и владин советник за дигитални комуникации.
Жупаноски почина вчера во Скопје на 41 годишна возраст. Беше сопруг и татко на две ќерки.
Роден е во Скопје во 1982. Завршил средно економско училиште и економски факултет во Скопје, а магистрирал информациски системи на универзитетот Лунд во Шведска.
Фото: Ванчо Џамбаски/Фејсбук
Илија беше извршен директор на Младинскиот образовен форум (МОФ) од 2007 до 2010 година. Потоа им стана советник за дигитални комуникации на премиерите Заев, Спасовски и Ковачевски.
Жупаноски беше член и на управниот одбор на European Digital Diplomacy Exchange (EDDE), меѓународна мрежа на владини комуникатори.
