Почина Југослав Тодоровски, поранешен градоначалник на Град Скопје.
Се упокоил вчера, по долго и тешко боледување, во својот дом во Скопје опкружен со најблиските.
Тодоровски беше прв човек на македонската метропола од 1986 до 1991 година, по неколку претходни државни функции.
Професионалната кариера како градежен инженер ја почна и заврши во „Гранит“, како негов втор човек, а во политиката ќе остане запаметен како мудар и умерен.
Неговото семејство објави дека погребот ќе се одржи на градските гробишта во Бутел во Скопје, во петок, а последен поздрав ќе може да му се оддаде во капелата од 11 до 12 часот.