Трагедија утрово ја потресе македонската јавност.
Тажната вест брзо се прошири-почина 19-годишниот ракометар Андреј Петрески, член на РК Аеродром.
Според првичните информации, младото момче починало во својот дом, неочекувано, оставајќи ги во шок најблиски, но и соиграчите од клубот каде што настапуваше од најрана возраст.
Петрески беше дел од поширокиот список на кадетската репрезентација на Македонија пред настапот на Светското првенство.
Последниот поздрав со Андреј е закажан за денеска од 12.30 часот во капелата на гробиштата во Бутел, а погребот ќе биде на гробиштата во Камник.
Ова е нова ужасна трагедија во македонскиот ракомет, откако пред речиси три години години почина 20-годишниот Марко Божиновски од РК Бутел.
