Кога Кејси и Џои од Канзас Сити се запознале и се вљубиле, мислеле дека целиот живот е пред нив. Во 2015 година дознале дека ќе добијат тројка. Тоа значело огромна одговорност за нив, затоа што веќе ги имале ќерките Клои (6) и Тенли (2).
Сепак, по игра на судбината, наскоро се’ се променило.
Неколку недели пред да се породи, кај Кејси лекарите откриле згрутчување на крвта во белите дробови. На 29 јануари 2016 година таа донела на свет две момчиња и девојче. Здравствената состојба ѝ се подобрила, но два дена откако била пуштена дома, се разбудила со силна болка во градите.
Понатамошните тестови покажале дека нема повеќе згрутчување, но дека нејзиното срце е под притисок. Во тие моменти немала други симптоми, па не била хоспитализирана.
Само десет дена откако тројката дошла на свет, нивниот живот засекогаш се променил. Тој ден Џои и поголемите ќерки засекогаш ќе го паметат, денот кога Кејси ненадејно починала.
По смртта на сопругата, Џои пронашол кутија која го оставила без здив. Дознал дека неговата жена сепак без ничие знаење пиела апчиња против згрутчување, кои во комбинација со хормоните и лекарствата по породувањето имале фатално дејство.
Џои немал друг избор, освен да продолжи да се грижи за петте деца.
„Не можете туку така да се откажете, кога знаете дека пет мали души зависат од вас“, порачал храбриот татко кој во меѓувреме отворил и блог на кој ги документира авантурите на неговите чеда.
