Не стивнуваат реакциите по смртта на 14-годишното момче од Прилеп кое беше брутално убиено.
Неговото семејство не може да се соземеме од трагедијата која им се случи.
„Нашиот син Александар повеќе го нема и постојано се прашуваме дали ова можеше да се спречи. Нели знаела мајката на убиецот дека тој има ножеви, дека е проблематичен, нели знаеле нешто од Центарот за социјална работа од Прилеп, кога и на училиште се однесувал проблематично?“, со растреперен глас за ,,Фокус” зборува Маријана Димова од Сенокос, Прилеп.
Животот на нејзиниот син Александар (14) згасна на 29-ти февруари, околу 19.30 часот. Беше усмртен со десет убоди од нож, а осомничениот 16-годишник, веќе е во 30-дневен притвор, определен од судија за деца, а по барање на прилепското обвинителство.
