„Мексико, оваа титула е за тебе“, порача 26-годишната Андреа Меза која е прогласена за Мис Универзум на 69-то издание на овој престижен светски избор за убавина.
Андреа дипломирала софтверски инженеринг и тоа гордо го истакнува, особено поради фактот што во оваа сфера доминираат мажите.
Таа е голем борец за женските права и моментално соработува со Институтот за жени чија главна цел е спречување на родово насилство.
Освен што работи како модел, Андреа е и шминкерка. Има сопствена модна линија, веган е и слабост ѝ се екстремните спортови.
Важи за голем патриот и обожава да пее.
На изборот Мис Универзум ги освои симпатиите носејќи традиционална мексичка носија направена од дрво и од хартија.
„Во денешно време убавината е повеќе од изгледот. Ако мене ме прашувате, убавината се гледа преку духот, преку срцето, но и преку начинот на однесување. Никогаш не дозволувајте некој да ви каже дека не вредите“, вели Андреа.
Фото: Профимедија/Инстаграм
* Текстот не смее да биде превземан без дозвола на редакцијата на МАСТИЛО.
