Уште една тажна вест од светот на естрадата
Не стивнуваат реакциите по смртта на басистот и гитаристот на познатиот хрватски состав „Вигор“, 52-годишниот Жарко Мариновиќ Жаре, кој почина од последици на Ковид-19.
Тажната вест на социјалните мрежи ја потврди и фронтменот на бендот, Марио Рот, кој се прости од својот колега со потресна објава.
„Те сакам, пријателе. Ти благодарам за се’. Додека сум жив и додека ме има, ќе живееш и ти“, напиша пејачот споделувајќи црно-бела фотографија од Жаре.
Од него се простија и останатите членови на групата.
„Скршени сме и без зборови. Драг наш Жаре, ти благодариме за прекрасното пријателство сите овие години. Засекогаш ќе бидеш во нашите срца. Бескрајно ќе ни недостасуваш. Сочуство до семејството“, стои напишано на официјалната страница на „Вигор“.
Фото: Инстаграм
* Текстот не смее да биде превземан без дозвола на редакцијата на МАСТИЛО.
