Еден од основачите на групата „Journey“ и првиот гитарист на овој состав, Џорџ Тикнер, почина денеска на 76-годишна возраст.
Тажната вест на социјалните мрежи ја потврди Нил Шон, гитаристот на бендот.
„Имам многу тажни вести. Почина Џорџ Тикнер, оригиналниот гитарист на „Journey“ и текстописец на првите три албуми. Имаше 76 години. Џорџ, ти благодариме за музиката што ни ја даде. Сочувство до неговото семејство и пријателите, како и до сите минати и сегашни членови на бендот. Толку трогателно.. Мислам дека треба да направиме групна прегратка“, напиша тој на „Фејсбук“.
Рок-групата „Journey“ е најпозната по безвременскиот хит „Don’t Stop Believin“. Oснована e во Сан Франциско во 1973 година, а Тикнер беше главен соработник и оригинален бас-гитарист на составот, пишува „Мирор“.
