После три преубави денови на планина, доаѓа момент да се вратам во цивилизацискиов хаос и се упатуваме кон Меѓуградска автобуска станица-Велес. Стасуваме во 16:40 и гледам шалтер од надвор и влез за шалтерот од внатре. Заради непикање во затворен простор сакам да извадам карта за Скопје на шалтерот од надвор-не може. „Тој е така само ставен, од внатре се вади!“ ОК!Влегувам внатре, зад шалтерот нема никој. Прашувам каде се вади карта -„Тука, али почекај, сега ќе стаса вработената, тука е негде!“.
После 5 минути стасува црно офарбана, натапирана госпожА и отвара прозорчето. Велам: „Ве молам карта за Скопје“. Пуна строгоча одговара: „Карта за Скопје се вади кога ќе стаса автобусот за Скопје, не може пред време!“ Прашувам: Како не може пред време?! А кога е следниот автобус?Одговара: „Од кај знам! 10 за 6…6…6:10…кога ќе стаса тогаш!“ Затвара прозорчето и не праи муабет.
Немам избор, останува да дремам 50 минути на автобуска и да демнам кој од автобусите што стига е тој за Скопје па да се затрчам да ја извадам картата-оти пред тоа госпожА не продава карти!!!! У меѓувреме стигаат бус за Кавадарци, за Битола,.. госпожа прати ситуација со автобусиве и на разглас се дернува: КАВАДАРЦИ-СЕГА!!!! Трчаат луѓе, вадат карти и брзо се пикаат у соодветниот автобус. Сфаќам дека за да стасам до карта у моментот кога госпожа ќе објави СКОПЈЕ-СЕГА!!!!, морам да застанам у редица пред шалтерот внатре. Застанувам, поминува 17:50, поминува 18ч, автобус за Скопје НЕМА! Стасува некој бус фирма ЕКСТРА БУС (мислам така беше) и госпожА од шалтер на разглас вика: „СКОПЈЕ!!!“ Сите од чекална нагрнуваат, јас среќа трета у редицава, давам платежна картица, одговара: „Не примаме картици!. Добро, вадам карта со кеш.
Кумашиниве ми пикаат претоварен планинарски ранец под автобус, ми викаат брзо внатре барај седиште. Влагам да седнам-внатре празно седиште НЕМА! Јас, едно девојче и една постара жена се вртиме нагоре-надолу, нема!!! Влегува возачов и му викаме: каде да седнеме? Одговара: „Епа нигде!“ Убацува у прва и трга за Скопје. WHAT?!? Постарава жена седнува на скалите од излезот у средина на бусот, девојчево седнува на под напред кај шоферот (види фото), јас останувам у средина растегната ко спајдермен меѓу две седишта, оти автобусов не е предвиден за патници да стојат па нема рачки и каиши да висат над седишта за да се придржувам!
Самохрана мајка на шефицата ѝ донира бубрег, па доби отказ: Ваков пресврт никој не очекуваше
Јас се уште у шок и неверување што ми се дешава, постарава жена коментира: Е добро де, 45 минути, голема работа ако постоиме!!! Ох бре Македонче задоено со филозофија „ќути има и полошо“!
1. Абе сум платила регуларна цена на автобуски билет-должни се да ми обезбедат регуларно седиште!
2. Дозволиво ли е патници да стојат во автобус на меѓуградска линија? Безбедно ли е?
3. Која е таа катастрофална организација у вези продажбана на билети? Кој е тој директор на Автобускава станица и дали има појма како се врши продажбава на карти?
4. Во 21 век во Велес немаш опција да си извадиш претходно автобуски билет Велес – Скопје? Невозможно било-не знаеле колку патници имало во автобусот што стига? Really?!?!
5. Не примаат платежни картички само готовина?!
6. Ало Франкфурт? Абе електронски треба да може да си извадам карта од дома, а не да малтретирате народ да се гужва у редица ко пред селска кооперација од пред два века и да не знае дали после саат време чекање ќе има место во автобусот? Нормални ли сте бре????
Монструмот го објави со слика: Ќерката на претепаната неготинка со потресно сведоштво
Најтрагично е што сфаќам дека луѓево што постојано користат автобуски превоз се навикнати на ваков третман, не им пречи, не сакаат да бидат третирани достоинствено и за чесно платен билет да си ја добијат услугата! Не веруваат ни дека ако реагираат ќе се промени било што.
Можеби и нема. Ама ако никој не реагира, дефинитивно нема.Ако почнат повеќе луѓе да реагираат – можеби не веднаш, но некогаш ќе им текне да се организираат како што треба! Затоа избирам ДА НЕ МОЛЧАМ! И освен овој статус ќе реагирам и до општина Велес и до Автобуската станица Велес. Работат како да сме во 19 век! Не се способни една евиденција на патници да водат-кому продаваат билети и кој им се вози во кој автобус. А тоа им е основна дејност! Сфаќате ли колку сте неорганизирани Автобуска станица Велес? Веројатно НЕ. Не не’ бива другари, НЕ НЕ’ БИВА!!!! Needless to say: 4-5 души од 53 вкупно носеа маска. Толку.
Фејсбук-статус на Маја Лазарова
* Објавите во рубриката „Мислења“ се без новинарска интервенција и се независни од уредувачката политика на „Мастило.мк“